Härzlich Willkomme uf dr Siite vom

FC Caipiranha

Härzlich Willkomme uf unserer neue Webseite. Do findsch alli Informatione über unsere Verein.

Viel Spass bim Surfe!

Spass am Fuessball und e kollegiale Umgang mit dä Mitspieler, das sind die zwei wichtigste Aforderige an e Spieler bi dä Caipis. Nachem Match ufem Platz zämme es Bierli neh oder gmietlichi Vereinsfest, das het bi uns genauso e Stellewert, wie d’ Mätch und s’ Training. 3 Mol in dr Wuche Training gits bi uns genau so wenig wie stundenlangs Laufe ohni Ball oder usfiehrlichi Taktikbesprächige. Mir träffe uns jewils am Mittwuch um 20:00 ufem Sportplatz Fiechte z’Rynach zum Training, wo während 1,5h vorallem dr Spass im Vordergrund stoht. Unseri Mätch in dr Firmesport Serie B sind sowohl am Samstig Nochmittag, als au unter dr Wuche am Obe. Wenn das au dini Vorstellige vomne Fuessballverein sin, denn mäld di doch bi öperem us dr Mannschaft oder chum mol im Training verbi, mir sind ständig uf dr Suechi nach neue Mitglieder. Oder möchtsch lieber eifach bi uns an de Festli teilneh, denn mäld di doch als Passivmitglied ah.

Ahmeldelink füre Racletteplausch 2024: Link

Nächste Termine